Россерча лорий университетаца, барт чӀоагӀбир вай республико
Петербурге дӀайихьача къамашта юкъерча экономически кхетаче вӀаший бувзам чӀоагӀбеш долча каьхата кулг яздир вай Мехкадас Келаматанаькъан Махьмуд-Ӏаьласи Россе лорий университета ректор волча Янушевич Олегои.
Яьча чӀоагӀонах, вай мехка хьаелларгья университета филиал- унахцӀенон оагӀонцарча болхлошта лаьрхӀа йола диплом хьаийцачул тӀехьагӀа дӀахо кхы а дешаш йола моттиг. Цу кердача гӀулакхо вай лорашта аьттув лургба, арахьа дӀааха ца безаш, шоай балхацара говзал цӀагӀа болашше чӀоагӀъе.
Цул совгӀа, цигара дешар чакхдаьккха баьлча, болх бе моттиг а Ӏалашъергья лорашта. Иштта, тахан дарбанчешка къахьегаш болча лорашта лаьрхӀа цикл хургья цига, университета болхлоша унахцӀенон оагӀонцара таханара кердадараш довзийтаргда царна.
«Вай мехкара унахцӀенон оагӀонцара хьал тоадара тӀехьа лоархӀаме гӀа ба тахан баьккхар. Регионера дӀаарабовла ца безаш, шоай балхацара говзал лакхъе аьттув хургба вай лорий»,- белгалдир Мехкадас. Иштта мехка кулгалхочо теркалдир, цу гӀулакхо тахан мехка геттара чӀоагӀа цхьацца бола болхлой эшар (400 говзанча) тоадергхилар.
Белгалде деза, эггара эшаш бола лораш Ӏомабеш болх дӀахьоргхилар, уж ба анестезиологаш-реаниматологаш, сиха оарцагӀъухараш, берий лораш, тахан дарба ца дулуча нахага хьожа оагӀув, рентгенологаш, суда-лорий оагӀонцара эксперташ, травмотологаш, ортопедаш.
