ГӏалгӀайченна 200 млн сом лургда, кагирхой политика дегӀайоалае
«Кагирхошта бола мохк» яхача Ерригроссийски яхье котбаьннарашта юкъе я ГӏалгӀайче. Яхь дӀахьош я «Кагирхой, бераш» яхача къаман проектах.
ГӏалгӀайчен Комитето гойта проект лакха мах оттабаь хьаллаьцар Росмолодежа кхелахоша. СовгӀата мехка 198 млн сом лургда, из дӀахьожадергда ГӏалгӀайчен кагирхой политика кердача боарам тӀа яккхара.
Иштта Наьсаре, Жӏайрахьа, Шолже лаьрхӀад йиъ керда кагирхой центр хьаелла. Из паргӀато лаьрхӀа я хьинар долча кагирхошта, цар таро хургья деша, шоай проекташ кхоачашъе, шоайла дагабала. Из доацаш а, регионе хьалхара дӀайолаеш я «АГРО-болам» яха проекташ, юкъе юкъ йоаллача, юхе йоацача фермаца; иштта «6 сотка тӀа бизнес» яха курсаш, цар таро лургья болх боацаш цӀагӀа багӀарашта хьаде хӀама хилийтара, къаьстта юрта бахача кагирхошта.
Мехка кулгалхочо Келаматанаькъан Махьмуд-Ӏаьлас белгалдир, из таро, ца хадаш, цу тӀехьа болх дӀахьош хиларах я, вай кагирхой хьашташ кхоачашдара даькъ тӀа.
«Со тешаш ва, из программа бахьан долаш, вайна довзаргда дукха къоначар начӀал, цар ГӏалгӀайчен сий доаккхаргда шоай толамашца», - аьлар Келамтанаькъан Махьмуд-Ӏаьлас.
