Липецки областацара бувзам чӀоагӀбеш я вай республика
Шолжа кхален, Липецки областерча Добрински кхален кулгалхоша Татенаькъан Ӏийсас, Пасынков Александра вӀаший бувзам чӀоагӀбеча каьхата кулг яздир. Цхьана болх дӀакхухьаш, пайда хургбараш доаржаде лаьрхӀа ба хьакимаш.
«Из чӀоагӀо шаккха оагӀонна беркате, пайда беш хила еза. ВӀаший бувзам чӀоагӀбеш, тайп-тайпара оагӀонаш юкъелоацаш, дӀахьоргболча балхо дукха дика хувцамаш дергда аьнна хет», - дийцар «Сердалога» Шолжа кхален мэре.
Хьалхара гӀулакхаш кхоачашдаь даьлча, Шолжа кхален кулгал деш вола Татенаькъан Ӏийса РФ Турпал волча Осканаькъан Сулумбика оттадаь сийленг долча ваха хилар.
Липецки областерча Добрински кхален Хворостянка яхача юрта бахача наха зулам ца хилийта, ший вахар кӀалъоттадаь турпал массахана вай дегашка вахаргва, цо гойта денал цӀаккха а дицлургдац.
