ГӏалгӀайче «баьццарча даькъ тӀа» я, ТКО лелаяра керттерча гойтамех
ГӏалгӀай Республика «баьццарча даькъ тӀа» я коммунальни чӀоагӀа нувхаш лелаяра керттерча гойтамех, аьлар «Сердало» газетага Ӏалама Министерстве.
ГӏалгӀай Республикан Паччахьалкхен Председатела Сластенина; Ӏалама тароний, экологе министра Мизенаькъан Микаила, министра гӀончаца Баркинхой Адамца цхьана дакъа лаьцар ВКС боараме дӀахьош хиннача ТКО лелаяра даькъ тӀа баьча балха чаккхе еш хиннача кхетаче.
Карарча шера ГӀалгӀайче белгалйоалаш хилар бахархошца болх беча, контейнерашта видеотӀахьожама болх беча, дозала тӀахьожам лелабу хоамаш дӀалуча, деррига балхаш нувхашца дергдола программа кийчъеча. Кердача оператора, юхакъаьста нувхаш гулъенна моттигаш гойтара болх, сурташца чӀоагӀбеш, ГЛОНАСС техника лелаяю.
Цунца цхьана, 2025 шера оагӀой бетта чӀоагӀо йир 7 шера керттерча, «Эко Лайф» ООО операторца. ЛоархӀаме да контейнераш ца эшача боараме Ӏалашо яь хилар. Цул совгӀа, доал деча даькъ тӀа 400 совгӀа контейнер ера, эшаш хиннараш 340 мара хиннаеце а.
Тхога хоам баьчо яхачох, мехка контейнераш лоаттаю керда 10 моттиг хьаяьй, МагӀалбика кхале из болх дика дӀахьош ба.
«Юхакъаьста нувхаш дӀаяхьара болх дика вӏашагӏболларах, республикан бахархоша дикка хувцамаш хиннилга зувргдола лакха толамаш гойт», - аьлар Сластенин Владимира.
