ГӀалгӀай студенташа Анапе нийсденна экологически хьал тоадеш латт
20.02.2025 15:46
ГӀалгӀай студенташа новкъостал ду Ӏаьржача форда тӀа нийсденна экологически хатар дӀадерзадеча. Анапа оалача шахьаре из доагама бийдал гулъеча (мазут) ГӀалгӀай Республикан цӀерца къовсам лоаттабеча колледжа 10 дешархо вахар шоай хьехархочунца Галай Асхьабаца.
«Ши кӀира да кагирхоша, сахьаташ а доахаш, хин йистош цӀенъеш латта. Уж шоаш беча балхах чуийнна а из моттиг цӀенъе вӀаштӀехьадаргда аьнна хеташ а ба. Царна из, юкъара болх хинна а ца Ӏеш, граждански хьинар гойта еза моттиг я», - йоах хоамо.
Колледжа болхлоша яхачох, цу тайпарча хьалашка болх беш хиларо таро лу гонахьара Ӏалам лораде, цу даькъ тӀара болх дикагӀа дӀабахьа.
