Мехкада: Ший вахар дикача оагӀорахьа хувца аьттув ба из
Таьрахьашца дувзаденнарех йолча Академе «Ишкол 21» дӀахьоча курсе дехараш чуийдара болх дӀаболабир дӀадахача кӀира. Ший вахара оагӀонашка яздир вай Мехкадас цу гӀулакхах лаьца.
«Ший вахар дикача оагӀорахьа хувца аьттув ба из. Таханарча технологей хӀама довза безам мел бараш из хьаллацара тӀахьех аз», - белгалдир Келаматанаькъан Махьмуд-Ӏаьлас. Мехка кулгалхочо иштта белгалдир, балхаш карадерзаде, кхоанен хӀама тоаде кагирхошта мел эшараш республике Ӏалашдеш латтилга».
«Ишкол 21» яьккха арабаьннараш вай мехка санна, берригача вай боккхача мехка а накъабоалаш хургба аьнна хет сона», - тӀатехар Мехкадас.
Хоам бу, укх бетта 19-ча дийнахьа ишкола сайта тӀа дӀачӀоагӀбенна, онлайн-тестех чакхбала йиш йолаш ба кагирхой, цу гӀулакхо курса доакъашхой хила аьттув лу царна.
Белгалде деза, арахьара хьатӀабаьхкача доакъашхой Магасерча таханарча хано дӀадеххача тайпара йолча фусаме Ӏе аьттув болга. Дийша йистебаьлча, балха отташ новкъостал дергда хӀара студента.
