«Дег чура аз даькъаладувц шо Россе денца - цӀайца, боккхача мехка дахаш дола вай дерригаш а, юкъара истори долаш, сийрдача кхоаненга долхаш дола вай вӀашагӀтохаш долча цӀайца», - яздир Келаматанаькъан Махьмуд-Ӏаьлас ший вахара бувзамашка.

Цо белгалду, укх массехк бӀаь шера, ГӀалгӀайче а Росси а шоайла уллув латташ хьайоагӀилга; шоайла лархӀар, доттагӀал леладара Ӏадаташ ца доадеш.

Мехкадас иштта белагалдир, цу тайпара бувзам лелабаро ноахалашта юкъера гӀулакхаш, культура, Ӏадаташ лорадаьд, хӀара къаман ший къаьстта хилар доа ца деш.

Мехка кулгалхочо хьоахадир ГӏалгӀайче дика дегӀайоагӀилга, федеральни центро хьаллоацаш хиларах.

«Вайна из хоалуш а да, цудухьа вай дӀахьалхадолх, тешшаме республикан таронаш совйоахаш, низ болча Россеца цхьана, - аьлар Келаматанаькъан Махьмуд-Ӏаьлас.–Хӏара цӀагӀа ираз хилда, вай дегашка дахаш хилда цох, Даьхенах - Россех, деш дола доаккхал, доккхача исторе а доккхача хургдолчун а мехках!»