Мехкада: Кагирхоша дӀадоладаь хӀама хьаллацар лоархӀаме да
Кагирхой Денца даькъалаювцаш, къонача тӀехьенга къамаьл дир вай Мехкадас.
Республикан кулгалхочо белгалдир, лакха начӀал дола кагирхой тахан тайп-тайпарча кхетаченашка, спорта доакъошка, Ӏилман олимпиадашка, кхоллама яхьашка дакъа лоацаш, толамаш доахаш хьабоагӀилга.
«Беркатеча хӀаман оагӀонаш хьаллоацаш, царна дӀабаха ловш хиларо Россе мехкашта юкъера бувзам, барт чӀоагӀбу, республикан хӀама тоаду», - белгалдир Мехкадас. Цо иштта теркалдир, царна дагадеха дика, беркате хӀама хьаллоацаш хилар лоархӀаме долга, тахан мехка, Россе кхыйолча миӀингашка санна, кагирхой политически, экономически, Ӏилман, спорта, культуран оагӀонашка дакъа лаца йиш хургйолаш, мел эшар Ӏалашделга, керда наькъаш хьаделлаш болх лоаттабелга.
«ЧӀоагӀа лоархӀаме да шо иштта толамаш доахаш, дика хӀама доаржадара тӀехьа хьинаре къахьегаш дӀадаха ловш хилар. Шоай къахьегамга, толамашка гӀолла вай хьамсара ГӀалгӀайче дӀайовзийтаргья оаш», - аьлар Мехкадас кагий нах, мехкарий аьттонца, гӀозаленца дӀахо къахьега даькъала бувцаш.
