Туризмах йолча комитето ЖӀайрахье къахьегама шоатта дӀадихьар
19.08.2024 14:44
Республикерча туризмах йолча комитета къахьегама шоатта дӀадихьар, Лаьжгерча кхуркхолга юхе. «Ерригача Кавказе цӀихеза йолча моттига доазув цӀендеш, къахьийгар Ӏаламах дог лазараша. Цул совгӀа, цун гонахьарча доазон тӀара, наькъашкара нувхаш гулйир цар», - йоах тхога кхаьчача хоамо.
Белгалде деза, цу тайпара Эса, Наьсар яха хиш цӀендеш бола болх мехка каст-каста дӀакхухьилга. Дукха ха йоацаш, Алхастера 174 гали нувхаш гулйир лостам бе арабаьннараша.
