ГӀалгӀайчера полице майор котваьлар «Коталон диктантах»
24.06.2025 23:03
Полице майор, ГӀалгӀайче гӀолла вола МВД болхло КӀаценаькъан Султан белгалвир, цо VII «Коталон диктант» яздеш даьхача толамех. Котваьннача 20 сага юкъе ва вай мехкахо а.
КӀаценаькъан Султан 51 шу даьнна ва, ший вахаре 21 шу цо дӀаделар чурча гӀулакхий балха. Диктант яздеш котало яккхарах, цунна диплом делар, Москверча Поклонни гув оалача моттигерча Коталон музее совгӀаташ луш йола кхетаче дӀахьоча хана.
ЛаьрххӀа дола совгӀат далара даькъ тӀа цунна делар 50 000 сома сертификат, таро хилар 2026 шера маьтсела бетта 9-ча дийнахьа дӀахьоргйолча Коталон Параде дакъа лаца.
