Келаматанаькъан Махьмуд-Ӏаьла хургва, дӀахо а мехка кулгал деш
Республикерча Халкъа Гулламе, къайлагӀа хоржамаш дӀадихьа, мехка кулгалхо хержар. Келаматанаькъан Махьмуд-Ӏаьла дӀахо а мехка кулгалде вуташ, соцам бир цига. Хоржамашка дакъа лоацаш хилар 32 депутат.
«Россе Президента Путин Владимира Паччахьалкхен Думе белгалбаьчарна юкъера хоржаш вар Халкъа Гуллама депутаташа мехка кулгалхо. Из мо харжа оттабаьбар «Бакъйола Росси - Даьхен гӀулакха латтараш - Бакъдар хьаллоацараш» яхача парте доакъашхо, Халкъа Гуллама депутат Ӏарапханаькъан Ӏалихан, Гаданаькъан Ислам ЛДПР оалача парте доакъашхо, бокъонех, паччахьалкхен гӀишлошъяра балхех йолча Халкъа Гуллама комитета кулгалхо; «ЦаӀ йола Росси» яхача парте Лакхехьарча совета доакъашхо вола Келаматанаькъан Махьмуд-Ӏаьла. 25 депутата хьаллаьцар Келаматанаькъан Махьмуд-Ӏаьла, мехка доал де витар», - йоах «Сердало» газетага бенача хоамо.
