Шолжа-Шахьарерча мэра бахархой тӀаийбу ди дӀадихьар
19.06.2025 10:46
Бахархой тӀаийбеш, царна къувлараш тохкаш, ди дӀадихьар шахьарерча мэра. Шоашта эшараш фуд, малагӀа хаттараш дашха деза дийцар бахархоша. Масала, Сейнарой Лайлас дехар дир; Люксембург Розай цӀерах болча, Колхозни оалача урамашка машинаш сиха хехкаргйоацаш сунташ дахка, аьнна.
Цо белгалдечох, сиха хехкача машинаша боккха кхерам лоаттабу берашта. Шахьара дас, ладийгӀа, ГИБДД болхлошца къоастадергда ше из дош аьлар. Ӏаьдал раьза долаш хуле, ца говш болх дӀаболабергба цу моттиге.
Бахархой тӀаийбу ди Шолжа-Шахьаре хӀара кхаьрача дийнахьа итт сахьатагара сахьат даллалца хул.
