Наьсаре кийчлуш я маьтсела бетта 9-гӀа ди дезде: шахьара кхуркхолгаш Коталон дийнахьа кердадоахаргда

Сийлахь-боккхача Даьймехка тӀем тӀа Котало яьккха 80 шу дузаш, Наьсарен кулгалхочо Оздой Руслана кхетаче дӀайихьар, цига дийцар шахьара кхуркхолгаш кердадахарах лаьца.
Моттигаш кердаяхар хьалхадаьккхар моттигерча цхьан бизнесмена, цо шийна тӀаийцар Малсаганаькъан Кӏарцхала цӀерагӀа йолча Коталон аллея куц даккхарах дола декхар. Цига дӀаяхьа лерхӀ керттера кхетаченаш.
«Тӏеххьара из моттиг геттара тоаю болх цига дӀабихьа дукха ха я. Дукха ха я парке кхуркхолг болх беш боаца- лаьттан кӀалхара коммуникацеш, насосий чоалхаш дикка тишъенний, хӀаьта Коталон аллеера кхуркхолг тоабе безаш ба», - аьлар Наьсарен мэре.