Лохерча Пхьуй хьаяьча кердача музейс дувцаргда, гӀалгӀай ширача къахьегамах
Карарча шера тӀоговзанчий-меттаоттадерий «ТӀехьале» яхача ишколо лерхӀ кхы а ши музей хьаелла: цӀено лелаяр, кулгаговзал. Ишкола кулгалхочо Султиганаькъан Рамзана дийцар, гойтаме гуш хургйолча экспонатех, из гойтам хетабаь хургба къаьнарча гӀалгӀай къахьегама.
Иштта цу гойтамга хьажа вахачун го йиш хургья, дӀаяхача ханашка гӀалгӀаша еш хинна дошо хӀамаш, иштта коа тӀа леладеш дола аьшка гӀирсаш (мангал, макха), барзкъа тегаш йолча машинах йиса оатхалаш, жа лоргаш леладаь кӀод, ира царгаш йола херх, дуккха кхыдараш.
«ГӀалаш йолча дувцача доазон тӀа бокъонца йола аьшкапхьара пхьоалле хьаелларгья, цига вай дешархой-говзанчаш Ӏомалургба хӀара оатхал юха кердаяккха, из хьае», - аьлар ишкола зарбан болх лелабераша.
Белгалдаккха деза, гойтаме хьабаьхкарашта го йиш хургья, къаьнарча тайпара даь балхаш.
