Карарча шера 11 бетта, энергетикаша дӀабахьийтаб 16,8 эзар ток дӀахоадаярах бола хоам, цу юкъе 11,4 эзар «юрта баха нах» ба, 5,4 эзар -юридически нах. «Ингушэнергонна» цар дӀадала дезаш хинна декхар дар 1,3 млрд сом.

Декхар доаллача наьха хӀара цӀагӀа чу а увтташ 704 млн сом гулдир: 6,1 эзар болча наха токах доагӀар, хьатехар хьаделар. Бакъда, 2, 5 эзар декхар хьа ца деннача наьха ток дӀахоадайир, хьабала безаш бола мах бар 164 млн сом. Дӏахо дисача хоамех бола болх дӀахьош ба.

Эггара аттагӀа дIалуш дола декхар да, ший ханнахьа дIалуш дар. ТIаккха йоагаяьча электроэнергех бола мах Ӏаьдала дӀалуш волча сага, боагӀачул дукхагӀа бала безаргбац, хӀана аьлча цунна чуйоагӀаш яц тIакхеташ йола йоал, ток дӀахоадаеш, юха из хотташ баьча балхах бола мах. Цул совгӀа, шоай ханнахьа Ӏаьдала мах дӀалуш волча сага тешшаме Ӏалашо ю дика хьалаш наха лоаттадара, цо мара вай республика дика дегӀа а яйтаргьяц», - аьлар «Ингушэнерго» филиала кулгалхочун декхараш кхоачашдеш волча Бӏарахой Рашида.

Газ дӀахоадаяра болх дӀахьош ба 2012 шера бекарга бетта 5-ча дийнахьа денз, №442 йолаш арабаьннача «Электроэнерги йоагаярах, цун боарам лорабарах» яхача РФ Паччахьалкхен Соцамах.

Дӏахо дӀабахьа безача балхах дувц «Къилбаседа Кавказа россетей» сайта тӀа, «Электроэнерги лелаерашта» яхача даькъ тӀа, иштта «Декхар доалларий реестр» яхача цу даькъа чуйоагӀача оагӀон тӀа, декхар доаллача сага ховргдолаш, беш бола хоам ба из.

Белгалду, йоагаяьча электроэнергех дола декхар дӀадала йиш я «Сердал Онлайн», «Доалахьара кабинет» яхача мобильни оагIонашка гӀолла, иштта кхыча, йоал дIаийеш йолча пункташка гӀолла.

Нагахьа санна саг беррига мах дӀабала таро йоацаш вале, из ваха веза моттигерча доазон тӀарча ток лоаттаеча даькъ тӀа, царца ший декхар дӀадалара бола никъ лохаргболаш.