СалоӀача деношка 150 совгӀа бахархой дехарашка хьежар паччахьалкхен хьем боаца тоаба
10.01.2025 11:35
Кердача шерца дувзаденнача салоӀача деношка, цахаддаш болх дӀахьош хиннай Мехкадаь амарца вӀашагӀъелла тоаба. ДӀабахача бетта 29-ча денгара укх бетта 8-ча денга кхаччалца йолча хана, 150 дехар хиннад вай бахархой телефонага гӀолла.
Эггара дукхагӀа телефон йийттараш бар Илдарха-ГӀалий тӀара бахархой. Хин турбаш йохарах, 50 совгӀа сага телефон техар, гӀо дехаш. Иштта итт совгӀа саг, газ боаггӀача боараме ягӀац шоай, яхаш, латкъаш вар.
24 сахьата болх беш, наьха дехараш тӀаийдеш, хиннай лаьрхӀа цу гӀулакха вӀашагӀъелла тоаба. Бахархой лоткъамаш доашхача, дакъа лоацаш хилар ЖКХ хьакимаш, иштта кхыйолча моттигашкара викалаш.
