Цу проекто таро хулийтаргья 84 эзар совгӀа болча наха, 164 вахаре лоархӀамеча моттигашка, мехка йийтта юрта тешшаме электричество лоаттае.

Карарча шера, цу даькъ тӀарча Программа лаьрхӀа дола технически балхаш дӀадахьара энергокомпане дӀахьожадаьд 10,5 млн сом.

Таханарча заман Россе арахийца тешшаме а дукха болх бергбола а гӀирс оттабе лаьрхӀад пхе подстанце: «Котанаькъан», «Урожайни». «Керда Редант», «Эккажкъонгий-Юрт», «МагӀалбик-2».

Уж дӀайоаераш - подстанцешка болх дӀа-юха хьожабеш йола керттера оатхалаш я. Нагахьа санна электричество дӀайоае езаш моттиг нийслойя, цӀаьхха, ток йоагӀачул дукхагӀа дӀаэза хуле, даькъ тӀара сердал дӀайоаяра эшаш я уж, царца таро я ше-ше электричество дӀайоае.

Цудухьа, таханарча хана, вакуумни оала выключателаш дикагӀа лоархӀаш я. Уж ехача тоаеш а аттагӀа я, тата дац цар, дукха болх бара лаьрхӀа а я, царга дӀадодар а дукха дац, тоаеш хилча. Цул совгӀа, лелаеш а йоккха хало е езаш яц из, цо даьтта арадеттац, цӀи ялара кхераме яц, гонахьарча Ӏалама зе деш а яц.