Республикера подстанцеш тоае 22 млн сом ахча хьожадергда Россеташа
«Слепцовская-35» яха 35 Кв подстанци тоаеш боккха болх дӀаболабаьб «Къилбаседа Кавказа россетий - «Ингушэнерго» филиала. Цу гӀулакха лаьрхӀа хьакъоастадаьр 22, 37 млн сом рузкъа да.
Мехкарча эггара къонагӀа йолча шахьара ток лоаттаеш я «Слепцовская- 35» яха подстанци. 10,3 эзар совгӀа бахархошта, шахьарерча керттерча дарбанчен, ЖКХ оагӀон моттигашта ток лоаттаяр тӀа да цу оагӀонна.
ЦӀаьхха, токацара хатар хинна хӀама эттача, шоаш ток Ӏойоаеш бола кхо гӀирс хувцаргба цига. Хьалха лаьттачарна меттел, тахан хьадаьнна толашагӀа дола гӀирсаш оттадергда. Иштта хувца лерхӀ РЗА оагӀонца дувзаденна гӀирсаш. ДӀаоттадеш дола РЗА керда гӀирсаш дуккха тешамегӀа, дукхагӀа, дикагӀа болх беш хургда.
«Тишденнача гӀирсашта когаметта тахан хьадаьнна дикагӀа лоархӀараш увттадаро хоалуш тоабергба подстанце болх. ХӀаьта из геттара лоархӀаме да вай мехка. Цу мугӀарера балхаш тӀатеӀӀа дӀадахьа лерхӀаш да тхо», - белгалдир «Ингушэнерго» филиала кулгалхочун декхараш кхоачашдеш волча Котаганаькъан Кимрана.
Укх шерарча гуйран хьалхарча бетта, йистебаккха лерхӀ тока оагӀон болхлоша цу подстанцера болх.
