«Къилбаседа Кавказа россеташа» 2025 шера ГӏалгӀай мехка ВОЛС оттаяр чӀоагӀдир
«Къилбаседа Кавказа россеташа 2025 шера ГӏалгӀайчен 3 400 тока бӀоагӀа тӀа ВОЛС дӀахотта соцадир.
«Россетий «Ингушэнерго» филиала говзанчаша, республикан бувзама оператораша дӀахьу цхьана тӀахьожама болх, чӀоагӀдаь хьал а доацаш волоконно-оптически бувзам (ВОЛС) электрокомпане моттигашка оттабар миштад хьожаш.
Иштта, 2025 шу дӀадоладелча денз, балха тоабо гучадаьккхар бокъонах доацаш 4 233 энергомоттигий бӀоагӀаш тӀа оптоволоконни саьргаш дӀатайса хилар. Кхоачамбоацараш белгалдир Наьсарен-Шахьаре, Наьсарен кхале.
ТӀехьара тӀа барт бир 3 397 бӀоагӀа тӀара шоаш дӀахетта бувзама гӀирс дӀабаккхара тӀехьа, 836 моттиге кхы а из болх бе безаш ба.
Бокъонах доацаш ВОЛС тока бӀоагӀах дӀахоттаро кхераме ду мехка энергосистеман хьал. Кхыдола гӀирсаш латташ хиларо планах дола тоадара балхаш дӀадахьа таро луц, цо энергомоттигашка техникаца дувзаденна кхоачамбоацараш юкъедоах, цунца цхьана наха ток дӀакхоачаш хилац. Из доацаш а, болхлой-говзанчаш йоагӀаш йола квалификаци йолаш ца хилча, энергомоттигашка кхерамзлен техника ца хилча, тока кӀалха болх беш хилар унзара да.
Белгалду, таханарча денга кхоачаш, ГӏалгӀайчен телекоммуникационни компанешца ийс чӀоагӀо яьй, 16,6 эзар тока бӀоагӀа тӀа (ЛЭП) ВОЛС оттае.
Бокъонах ца доагӀаш, бувзама сеташа тока бӀоагӀех дӀахотташ хилара моттигаш гучайоахаш бола болх дӀахо а дӀахьоргба.
