ГӀалгӀайчен бахархоша 7,4% дукхагӀа декхар дӀаденна хиларах хоам бу «Къилбаседа
2024-гӀа шу доладелча денз, шоашта тӀалатта токах дола декхар диккагӀа дӀатела болабеннаб республикера бахархой.Наха дӀатийна ахча 67,5 процента тӀа латт (1,3 млр сом). 2023-ча шерара хьал хьаийцача, 7,4 процентага кхоачаш айденнад из гӀулакх. Ахчанга диллача, 418 млн сом дукхагӀа да из хьалха хинначул.
Белгалде деза, из гӀулакх иштта дикача оагӀорахьа тоадалар, тока оагӀон болхлоша хьинаре къахьегарах хьахиннад. Цхьаккха тайпара шоашта тӀалатта декхар дӀадала раьза боацарашта, ток Ӏохедаеш, бокъо йоацаш ток йоагаю моттигаш гучайоахаш, тӀалатта ахча судага гӀолла хьатакха увттабеш, боккха болх ба цу оагӀонца дӀабихьар.
2024-ча шера ахкан шоллагӀча бетта 1- ча ден хьал теркалдича, 7,6 млр сом декхар да республика токах тӀалаттар. Ала деза, наха ахча хьадаларга хьежжа мара токацара болх дӀа ца бодилга, тишденна гӀирсаш боаггӀача боараме хувца аьттув ца боалилга.
«Сердал Онлайн» яхача телефонацарча оагӀонга гӀолла «Ший доалахьарча кабинете» дӀадала йиш я шийна тӀалатта декхар; иштта, юхерча тока оагӀон моттиге дӀаваха, дӀачудала йиш я.
