«Къилбаседа Кавказа россеташа» ГӏалгӀай мехка токацара хьал дикагӀа леладу
Къилбаседа Кавказа Россетий» филиала говзанчаша технически гӀулакх дара болх дӀаболабаьб республикан йоккхагӀа йолча Наьсарен-Шахьаре.
Технически хьалаш кхоачашдара энергетикаша дӀадохийтаргда 6 млн сом.
Цул тӀехьагӀа, 32,5 эзар болча наьха токацара хьал тоалургда.
Керттерча балхах да кхо километр дӀаьха дола тока лелар (ЛЭП) 04-10 кВ тоадар: болхлоша хувцаргба 18 тока бӀоагӀа, кхо километр тишбенна тока саьрг, дикагӀа болча саьргаца (СИП). Къаьстта из тока саьрг цига бахийта лаьрхӀад из тешамегӀа а чӀоагӀагӀа а хиларах.
Дикача саьргашца из болх дӀабахьаро таро лу ток дӀа-юха йохийтача моттигашка нийслуш дола кхоачамбоацараш юкъера дӀадаха, тешшаме дикал йола ток наха лоаттаяр да из.
ХьатӀадоагӀача шера йиъ трансформатор хувца лаьрхӀад, вай мехка хьаяь кердаяраш дӀа а оттаеш, иштта ворхӀ трансформатор тоае езаш я подстанцешка.
«Оаха хӀара шера электросетей болх кийчбу мехка, Ӏан замах кӀезигагӀа низ тӀагӀоргболаш. Укхаза кхыдола хаттараш да а дац: деррига овлангара денз техка хила деза, лерттӀа ток лоаттаяра; технологически кхоачамбоацараш юкъедаргдоацаш тока сетешка; болхлой кхерамзле хургйолаш; наха а иштта вахара гӀишлошка а лерттӀа ток лоаттаергйолаш», - аьлар «Ингушэнерго» филиала кулгалхочун хьалхарча заместитела Котаганаькъан Кимрана.
