Тока хьал тоадеш я «Къилбаседа Кавказа россеташ»
«МахьмадхитIе-2» яхача 110/35/6 тока доазон тIара тишбенна гIирс хувцаш болх дIахьоргба «Къилбаседа Кавказа россеташ»- Ингушэнерго» яхача филиала болхлоша. Укх шера дIабахьа безача балха лаьрхIа хьакъоастадаьр 3, 8 млн совгIа ахча да.
«МахьмадхитIе-2» яхача моттиго ток лоаттаю Южни яхача юрта, иштта МагIалбика кхален йиъ подстанцена. Из болх дIабахьаро тока хьал дикка тоадергда 48 эзар совгIа нах бахача МагIалбике, МагIалбика кхален юрташкарча 42 эзар совгIа болча бахарохошта; иштта шуран, дулха кхоачам лоаттабеча моттиге; ОАО «РН «Ингушмехкдаьтта», «Южни» яхача коа тIара оалхазараш кхедеча моттиге. Цхьацца балхаш дIахьоча хана, ток дIайоае езаргйолаш да тахан хувцаш дола гIирсаш. Ер бутт йистебалалехь из болх чакхбаккха лерхI тока оагIонцарча къахьегамхоша.
«Россеташ» яха моттиг чIоагIа лоархIаме, Россе 82 мехка ток лоаттаеш болх дIахьош я тахан. Цу оагIонна тIалатт 2,5 млн км ток чуйилла моттигаш, 877 эзар МВА ток чуйола подстанцеш. Мехкарча токах 80% дIакхоач «Россеташка». Цунна юкъейолх 45 йоккха моттигаш, 19 тока компани. 2023-ча шера 31.12. хьаийцача, «Россеташка» къахьегараш 235 эзар совгIа болхло ва.
