«Къилбаседа Кавказа россеташа» ГӀалгӀайчен дешархой Ӏомабу токах лоралуш хила
«Къилбаседа Кавказа россетий»-«Ингушэнерго» говзанчаша дешар дӀадихьар МагӀалбик-Шахьара №20 йолча ишколе. Энергетикаша дийцар берашта; тока саьргаш долхача моттигашта юхе цӀераш ювза, фецара бӀехалаш оала ловзараш де йиш йоацилга; иштта царна юхе чкъаьрий лувца бокъо луш цахиларах; нагахьа тока саьрг лотабенна моттиг хилча, из цӀи хица йоае йиш йоацилга; трансформаторни подстанцей доазон тӀа вала йиш йоацилга; деха дола токаца леладу гӀирсаш леладе йиш йоацилга; Ӏобежа тока саьрг уллача моттига 10 метр кӀезигагӀа гаргаваха йиш йоацилга, иштта кхыдараш а.
Къаьстта дийцар «Кхерамзлен селфи» яхача темах дола къамаьл, из доагӀаш дар технически моттигашта юхе сурташ дахара тӀера долча берашта. Урок йистеяьнначул тӀехьагӀа, дешархошта токах лорабалара керттера бокъонаш тӀайола каьхаташ делар.
«Токах лорабала Ӏомабу дешар - «Россетий» компане бахархошца дӀахьош йола программа. ХӀанз салаӀа аьхки цӀахийца хиларца, бераш ара дукха лелаш хул. ХӀаьта цу хана фийла хилар башха теркалдеш хилац уж. Цудухьа оаха ахкан ханашка а дутаргдац бераш, терко йоацаш.
Ишкола даькъ тӀа аьхки салоӀаш йола ха дӀахьоча берашца ергья тайп-тайпара викторинаш, лаьрххӀа йола хоамий материалаш кийчъергья», - аьлар «Къилбаседа Кавказа россетий» - «Ингушэнерго» филиала кулгалхочун декхараш кхоачашдеш волча ТӀоаршхой Рамзана.
