Цу юкъе суд яьнначул тӀехьагӀа, 390,7 млн сом хьадала дезараш бар юридически нах, иштта 11,4 млн сом - мугӀарера бахархой.

ДукхагӀа декхар доалларех яр - ГӀалгӀай Республикан «ЦаӀ йолча хин даькъ тӀарча оператора ГУП - 36 млн сом.

Деррига а карарча шера наджгоанцхой-саькура бетташка декхар хьадаларца бувзабенна оттабир 82 млн сома 615 лоткъам.

Вайна гуш да, ток йоагаярах нахага доаллаш дола декхар хьадоаккхаш дика болх дӀабихьа хилар. Хьагулдаь ахча филиало дӀадохийт дӀахо ший болх тоабара, тешшаме сердал лоаттаяра, цу даькъ тӀара болх, цахадаш ханнахьа дӀабахьара», - аьлар «Ингушэнерго» филиала кулгалхочо ТӀоаршхой Рамзана.

Энергетикаша тӀахьех нах, цу гӀулакхаца бехктокхаме хилара, из хьал тоалуш ца хилча, энергетикаша декхар доалла нах суде дӀачулу, цига гӀолла бехктокхаме уж озар духьа, цул совгӀа, суде цу гӀулакхага дӀадодаш дар а такха дезаш хул уж. Цу юкъедоагӀаш да, декхар доаллача наьха сердал дӀахоадаеш дӀадодар а, цар декхар дӀаденначул тӀехьагӀа из юхахоттар а. Из де дезаш хургбац нах, йоагаяьча Ӏаьдала токах дола ахча шоай ханнахьа дӀалуш хилча.

Нагахьа санна судо хьахьожадаь Ӏаьдала ахча уж нах дӀалуш ца хуле, царгара из хьадоаккхаргда алапена тӀера соцадеш, вай паччахьалкхера арабала йиш йоацаш хургба уж. Цул совгӀа, декхар доаллача бахархошта духьала банкротство оала моттиг юкъейоалае а тарлу.

Доаллаш дола декхар дӀадала йиш я «Свет Онлайн» мобильни юхедулларга, «Доалахьара кабинет» оалача сервисага, компане сайтага, моллагӀча кхыча мах хьаийбеш йолча моттигашка гӀолла.