56 гектара тӀара ток йоархӀех, гаьнех цӀенъергья Къилбаседа Кавказа россетий» болхлоша
56 гектар чулоацаш йола тока моттигаш йоархӀех, ца эшача хӀамаех цӀендеш, болх дӀахьоргба укх шера «Къилбаседа Кавказа россетий»-«Ингушэнерго» яхача оагӀон болхлоша. Тока саьргашта ӀотӀалийга зе дир кхерам бола, новкъарле еш йола гаьнаш дӀатедаш, болх дӀабахьар чӀоагӀа лоархӀаме да, ток хьайоагӀача моттигашта. ТӀахьожам боацаш йитача гаьнаша тока саьргаш дӀакъайладоах, тӀаккха хало хул ток йолча балхаш де арабоалача наха.
«Гаьний ткъоврош тока саьргех дахьекхалуш хиларо хатар де тарлу; цул совгӀа, мух баьнна ди деттача хана кагьенна, тока саьргашта ӀотӀалегача гаьнаша тока доккха зе ду. Цудухьа хан-ханнахьа дӀабахьа беза цу лостамагӀа болх, лакха тӀахьожам лоаттабеш», - дийцар тхога «Ингушэнерго» филиала кулгал деча ТӀоаршхой Рамзана.
Иштта дӀа-хьа яхача гаьний ткъовронех ток йоаллаш хилар кхерам ба, саг лозаве, цӀи яккха тарлу цар. Уж балхаш дӀахьош, теркалде мел дезараш керте лоацаш, къахьегаш ба тахан «Ингушэнерго» болхлой.
