Наьсаренна лерттӀа ток лоаттаергйолаш, тока гӀирсаш хийцад «Къилбаседа Кавказа россеташа»
Наьсарера 6 Кв йола ток боаггӀача боараме хьателаш хургйолаш, къахьегаш баьхкар «Къилбаседа Кавказа россетий» вайцигарча филиала болхлой. 11 километрага кхоачаш йолча цу тока саьргаша 3000 совгӀа болча ГӀаьзе-Коарча бахархошта ток лоаттаю 1963-ча шера денз. Тишбеннача ялх тока бӀоагӀанна меттел бетона бӀоагӀий дегӀар, шоай ха текха даьнна 12 бӀоагӀан тӀара пелаш хийцар, 1,5 километр бола къаьна тока саьрг тахан хьабаьннача, дикагӀчунца хийцар.
«Цу тока оагӀон болх дӀабахьа беза дикка ха яр. Дахчан бӀоагӀий мурденна латтар, урам дикка дӀашербенна, нах дукхагӀа баха Ӏоховшарах ток боаггӀача боараме дӀакхачацар, - аьлар «Ингушэнерго» яхача филиала кулгал деча БӀарахой Рашида. – Боккха болх дӀахьош тоаяь ток, кхы саготдеш хургьяц».
Ӏан хана ток ший болх лерттӀа дӀахьош хургйолаш, беш болх ба из.
