3428 оатхал хувца лаьрхӀад ток дукхагӀа хьаозаш йолча ток моттигашка, 478 - 6-10 кВ тока хьалуча даькъе.

ЛоархӀамеча проектах да эзар гаргга ингале тока «пелаш» хувцар, цига таханарча заманчухьа Ӏоакъингадараш оттаде деза 35 кВ «Махьмад хитӀе-2- Кердача Реданта ток лоаттаеча. МагӀалбика кхален гаьнарча йиъ юрта ток лоттаеш я ЛЭП: Керда Реданте, Аьккхий-Юрта, Заьзгакъонгий-Юрта, Даби-Юрта. Цига вах 12 эзар совгӀа саг, 12 вахаре лоархӀаме моттиг а я. Ӏоакъинга тока «пелаш» хувцаш хилара ший бахьан да: уж балха даькъ тӀа тешамегӀа да, ханахьа дохаш ца хиларах, йӀовхалах меттагӀ доалаш, доагаш, хий чакхдоалийташ а дац. Цу хӀамаша таро лу «пелашка», доха ца дохийташ, болх байта, нагахьа санна уж тӀера деха хуле бӀаргагуш а хул.

«Ший ханнахьа из болх дӀабахьаро новкъостал ду тока балхаш леладерашта ток хьаяларца кхоачамбоацараш ца нийсдалийта, бахархошта тешшаме электричество лоаттае. Из лоархӀаме болх дӀабахьара карарча шера 8,2 млн сом хьадайтад», - аьлар «Ингушэнерго» филиала кулгалхочун декхараш кхоачашдеш волча Бӏарахой Рашида.

«Пелаш» ток дӀаялара керттера гӀирс ба, цар цхьатарра кхоачашду чӀоагӀон а кхерамзлен а балха доакъош.

ГӀирсаш нийса а дика а хиларах тийша я, цига болх беш болча наьха могашал а, вахар а, иштта ток лоаттаяр тешаме хилар а.