Илдарха-ГӀалий тӀарча Шолжах тиллача тӀаь кӀалхе цӀенйир
14.06.2024 10:12
Шолжа лакхерча тӀаь кӀалхара моттигаш цӀенъе арабаьлар Илдарха-ГӀалий тӀарча администраце болхлой, № 1 йолча ишкола дешархой, «Хьалхарчар болам» яхача оагӀон доакъашхой.
«Цу беркатеча боламо кагирхошта хьалхадоаккх, Ӏаламца дувзаденнараш лорадеш вахар мел лоархӀаме да», - йоах тхогарча хоамо.
ДогӀан хиво дукха нувхаш Ӏоенаяр тӀаь кӀалха, цудухьа эггара хьалха цигара дӀаболабе лаьрхӀар цар из беркате болх. Администраце болхлоша хи чура гаьнаш, йоккха хӀамаш араяьхар, дешархоша Шолжа гонахьарча йистошкара нувхаш гулйир. Цхьа барт болаш арабаьнна, Ӏалама даькъ тӀара лоархӀаме болх дӀабихьар цу наха.
Дала хьаденна хоза беркат лорадеш дахар – вайх хӀаране доккха декхар да!
