«АргӀанара паччахьалкхен декхар кхоачашдеш, «Рослесозащита» ФБУ филиала хьу тохкараша дӀабихьар, хьун хьалаш довзара болх.

Болх дӀабихьар Илдарха-ГӀалан номераш 7, 12, 14, 15 хьун доакъош тӀа», - аьлар ГӀалгӀайчен Ӏалама Министерстве.

Хьун лоаттам дӀаязбеш, болх бир 317 хьун гектара тӀа. Уж яр; ара Ӏан а ахкан а замашка лоа а, догӀаш а, мух а хиларах; толхаяь хинна гаьнаш.

Тохкама болх дӀахьош гучадаьлар, 16 гектар хьун даькъ тӀа санитарни хьалаш во доацилга. ДӀахойолча моттигашка гаьнаш; йокъалуш, телхаш я, 4,1 процентагара дӀайолаенна.

Уж балхаш хӀанз паччахьалкхен хьун хьалаш тахкара аргӀанна юкъедахад, FТР-сервере а да.

Белгалдаккха деза, хьун хьалаш лорадеш, наха доккха гӀулакх ду, хьамсарча мехка Ӏалама хьал лорадеш, цун мах бараш совдоахаш.