Машинашта лаьрхӀа зарядка ю станцеш хьаелларгья вай мехка
Машинашта лаьрхӀа зарядка ю станцеш овттаергья вай мехка. Укх шера цу тайпара 10 станци оттае лерхӀ вайцига, царех 4 «Кавказ» яхача федеральни наькъа гаьна йоацаш хургья. Из хоам ший телеграм-оагӀон тӀа бир вай мехкадас Келаматанаькъан Махьмуд-Ӏаьлас.
«Машинашца леларашта боккха аьттув луш хургья из беркате проект. «Кавказ» яхача федеральни наькъа юхе уж хиларо дикка аттачахьа доаккхаргда мехка гӀолла чакхбувлача наьха гӀулакх», - язду республикан кулгалхочо.
Иштта цо хьоахадир, Илдарха-ГӀалий тӀа Къилбаседа Кавказе эггара хьалхара Ӏалама газ хьайоаккхаш йола завод хьалъе лерхӀ, аьнна.
Вай республика, экологически хьал техкача, эггара цӀенагӀа лоархӀаш йола оагӀув я, хӀаьта Ӏалама газ эггара цӀенагӀа лоархӀаш дола доагор да. Экологически хьал лакхача боараме хилар чӀоагӀа лоархӀаме да цу проекта.
