Экологе болам хьаллаьцар ГӀалгӀайчен ишколаша
27.03.2025 10:16
Республикерча дешара моттигаша экологически болам хьаллаьцар вай мехка. «Бералла наькъаш» яхача проекта тоабо гаьнаш дӀаегӀар ишколан коа. Из хоам «Сердалога» бир цига дакъа лоацаш хиннараша.
«Ӏалама моттиг шоаш лораелга белгалдеш, ишколан ков баьццардерзаде арадаьлар бераш, ишколан кулгалхочун гӀончашца»,- йоах хоамо. Из беркате гӀулакх чакхдоаккхача гӀо де эттар «Ихсан» яха ганз.
«Доккха баркал оал къахьегаш баьхкача доакъашхошта. Дала хьаденна хоза Ӏалам лорадеш, цун хьал кхы а дикагӀа тоадеш, дӀадаха деза вай дерригаш», - аьлар республикерча Россе кагирхой союза хьалхалаттача Яражанаькъан Адама.
