Наьсар-хин юхе, бокъо йоацаш, хьалъеш латта гӀишло гучаяьлар Ӏалам лорадерашта
02.09.2024 13:05
Бокъо йоацаш, Наьсар-Керте хьалъеш латта гӀишло гучаяьлар Ӏалама гӀулакхех йолча Министерствонна. Наьсар яхача хин оагӀонца, № 11 йолча ишкола гаьна доацаш, дӀаболабаьб из болх.
РФ Хин кодекса 6 65 йола статья теркаме ца лоацаш, болабаьб болх. Наьсарерча администрацеша боаггӀача боараме тӀахьожам ца лоаттабарах, хьахинна хӀама да из.
Бокъо йоацача моттиге гӀишло хьалъеш латтарах бола хоам оаха Прокуратуре чубеннаб, цар тохкаргда из гӀулакх бехкебараш бехктокхаме озаш», - дийцар «Сердало» газетага Ӏалама гӀулакхех йолча Министерстве.
Цун болхлоша геттара чӀоагӀа терко ю, хьалъеш латтача гӀишлон юхе хин хьасташ хилара.
