ГӀалгӀайчен Халкъа Гулламеи ЦУРеи кулгалхой вӀашагӀкхетар хилар
ГӀалгӀайчен Халкъа Гуллама кулгалхочо ТӀумхой Мухьмада кхетаче дӀайихьар, мехка доал дара Центра кулгалхочунца Банхай Берсаца. Керттера дийца дош дар закон хьакхоллаш долча Ӏаьдалои иштта ЦУРои шоайла айхха бувзам лелабар.
Къамаьл дӀахьош цхьана балха даькъ тӀа хилча бакъахьа дола хаттараш техкар, республикан бахархой вахара хьалаш тоадара де дезар белгалдир. Къаьстта терко тӀаяхийтар бахархой сиха хаттараш теркалдара, уж кхоачашдара бола болх дика вӀашагӀбелла хилийтара, цар хьашташ кхоачашдара.
«ЦУРа хоамашка хьежжа, вай таро хургья керттера хаттараш малагӀаш да ха, уж дикагӀа кхоачашде», - аьлар ГӀалгӀайчен Парламента кулгалхочо.
ТӀумхой Мухьмада иштта белгалдир каст-каста хоамаш хувцалуш хилар, иштта социально-экономически хаттараш кхоачашдар лоархӀаме долга, уж да тахан мехка хьалхашка латта декхараш. Банхай Берса ший аргӀагӀа белгалдир, ЦУР кийча хилар массайолча оагӀорахьара новкъостал де, лаьрххӀа дола декхараш кхоачашде, республикан бахархошцара бувзам чӀоагӀбе.
Кхетачен чаккхе еш, хоадам боллаш балха оагӀув чӀоагӀйир Халкъа Гулламо, мехка доал дара Центро шоайла бувзам лелабе, бахархошта Ӏаткъаш дола сиха хаттараш кхоачашде.
