ГӀалгӀайчен Парламента кулгалхочо «Тешам» оалача дикача гӀулакхий ганза кулгалхочунца кхетаче дӀайихьар
ГӀалгӀай Республикан Халкъа Гуллама кулгалхочун ТӀумхой Мухьмада кхетаче хилар «Тешам» яхача дика гӀулакхаш леладеча ганза кулгалхочунца Къоастой Ахьмадаца, ганза хьашташ кхоачашдара йолча кхела доакъашхочунца ЦӀолой Нурдинаца.
Кхетаче дӀахьош, цар дийцар мехка цу ганза балха чудоагӀа керттера декхараш, иштта, дӀахо цо республикан Парламентаца дикагӀа бувзам лелабарах.
«Из болх беш долча 12 шера, республикан бахархой тешам а лерхӀам а шоана тӀехьа хилар. Туркий мехка, Шаьме, Палестине бахача наха долча новкъостала оаш даь гӀо бахьан долаш, ГӀалгӀайче цу юкъеяха таро йолаш хилар, хатар хинна кӀалабисача наха дика новкъостал дир», - аьлар ТӀумхой Мухьмада.
Цо, дӀахо ше къамаьл деш, белгалдаьккхар, лаьрххӀача тӀема операце бӀухошта даь гуманитарни новкъостал. ТӀумхой Мухьмада делар Къоастой Ахьмада, ЦӀолой Нурдина баркал оалаш дола каьхаташ.
