Лорий дешар дешаш бола студенташ Москверча эндокринолога лекцега ладувгӀа бех
ГӀалгӀай Республикан Москверча массазарча викалаша лорий дешар дешаш бола студенташ эндокринолога-диетолога Дзейтанаькъан Султана Дале лекцега ладувгӀа бех. Кхетаче дӀахьоргья укх шоатта дийнахьа, наджгоанцхой бетта 18-гӀа ди долаш.
Цига бех Москве лорий дешар дешаш бола студенташ. Цар таро я, лекцега ладувгӀарал совгӀа, шоашта бакъахьа хеташ дола хаттараш дала. Цу гӀулакха эшар да, наджгоанцхой бетта 17-ча денга кхачале, социальни бувзамашка латташ дола каьхаташ кийчдар, иштта шоашца паспорт хилийтар.
Цига дувца лерхӀаш дола дешаш да: эндокринологех, цо мишта болх бу, иштта цӀийга гӀолла сага дегӀага дӀакхоачача хӀамаша вай хьала юкъе малагӀа дакъа дӀалоац.
Кхетаче дӀахьоргья кхаь сахьата совгӀа, 13 сахьатагара 16:30 минотага кхаччалца.
