2024-ча шера 150 хоам кхаьчаб, Ӏалама гӀулакхех йолча Министерстве
Укх шера Ӏалама гӀулакхех йолча Министерствон болхлоша техкаб шоашка кхаьча 147 хоам. Цох дийцар «Сердало» газетага цу моттигера.
«ДукхагӀдараш дувзаденна дар ханнахьа нувхаш дӀакхарца, ТКО доагӀа ахча дӀадаларца, иштта цу мугӀарерча кхыдарашца.
Къаьстта боккха теркам тӀабохийташ дийцар хьун боахаме нийслучарех, хиш бӀехду турбаш ехкарах, ла хала йола во хьаж яржарах», - йоах хоамо.
Ӏалама гӀулакхех йолча Министерствон болхлой сиха арабоал моллагӀа ишта дола хӀама тахка. «Инцидент-менеджмент» яха оагӀув вахара оагӀонашка бахархоша новкъа долаш дувцаш дола къамаьлаш тохкаш ба.
ЛоархӀаме, тахка дезаш дола къамаьл хьакъоастадеш йола программа я из. Дала хьаденна хоза Ӏалам лорадар, экологе хьал цаталхийтар - вайх хӀаране лоархӀаме декхар да. Из кхетадеш хила деза вай массахана.
