Жӏайрахьа кхале тишденна тока гӀирсаш хийцар

Жӏайрахьа кхале йистебаьккхар тишденна тока гӀирсаш хувцаш дӀахьош хинна болх, керда трансформатор оттайир цига. Проект кхоачашъеш «Къилбаседа Кавказа россеташ»- «Ингушэнерго» филиала говзанчаш бар. Из хоам газетага бир республикан Кулгалхочун, Паччахьалкхен зарбан болх лелабераша.
Мехка кулгалхочо Келаматанаькъан Махьмуд-Ӏаьлас белгалдир, ший исторически сийленгашца, туристий наькъашца, цу юкъе «Эбан» яха гӀалай комплекс а йолаш, цӀихеза йола Жӏайрахьа кхале дегӀайоалаяра из болх лоархӀаме хилар.
Белгалде деза, карарча хана, исторически комплекса доазон тӀа, меттаоттадара балхаш дӀахьош хилар.