«Орлёнок-эколог» яха болам дӀабихьар Эккажкъонгий-Юрта
28.04.2025 10:36
«Орлёнок-эколог» яха болам дӀабихьар Эккажкъонгий-Юрта. Берий экологецара лерхӀам сомабаккхара тӀехьа дӀахьош боккха болх ба из. «Сердалога» из хоам бир «Бералла наькъаш» яхача ерригача Россе проекта доакъашхоша.
«Наьсар яхача хин юхера моттигаш цӀенъеш хилар юртарча № 6 йолча ишкола дешархой шоай хьехархошца. Дала хьаденнача Ӏалама доал эшилга, лораде дезилга хьалхадаьккхар царна болама кулгалхоша», - йоах хоамо.
«Даьхен моттигашта терко е езилга чӀоагӀдеш дола масал гойтар чуийнна болх беш хиннача бераша», - белгалдир «Бералла наькъаш» яха проект кхоачашъярга хьожаш волча Колой СаӀида.
