ГӏалгӀайчен лоамашка тамашийна хӀамаш кораяьй

«Тӏехьале» яхача тӀоговзанчий-хӀама тоадерий ишкола археологашта корадир, ГӏалгӀайчен исторен йовзаш йоаца оагӀонаш хьаеллара накъадаргдола гӀирсаш. Лохерча Пхьуй №1 йолча гӀалан кӀийлен кӀалхара царна корайир «боккъонца йола ганз».
Цу тайпара, археологашта корадир герга кеп йола аьшка гӀозарч, маьхий. Бакъда уж мичахьара хьадаьннад кхы а ховш дац. Говзанчашта а ховш дац шоашта фу кораяьй: уж хила тарлу къаьнара балха тӀа лелаяь оатхалаш е дин гӀулакх дара йола хӀамаш.
Ишкола зарбан болх лелабераша яхачох, уж гӀирсаш тохкаш да говзанчаша.
«Тхо тешаш да, Лохера Пхьуй яхача къаьнарча юрта цхьайола тамашийна къайленаш гучаяхара цар новкъостал дергхиларах», - аьлар хоамо.