Ерригача Россе олимпиаде, котало яьккхар белгалвир «Ингушэнергос»
«Россети» оагӀон моттигий Ерригача Россе олимпиаде котало яьккхача Ӏоахарганаькъан Муслимаца кхетаче дӀайихьар «Россети Къилбаседа Кавказ»- «Ингушэнерго» филиала кулгалхочун декхараш кхоачашдеш волча Котаганаькъан Кимрана. Олимпиаде белгалваьннача Муслима баркал аьнна, дипломи деза совгӀаташи делар энергетика, аьттув болаш дӀахо никъ дӀахьо даькъалавийцар.
«Котало яккха атта дац - хьинаре къахьега деза дукха низ Ӏобуллаш. Баркал хьона иштта белгалваларах», - аьлар Котаганаькъан Кимрана.
СоагӀапчарча № 30 йолча ишколе дешаш ва Муслим, ше раьза волаш, безам болаш эттар олимпиаде дакъа лаца, энергетически факультете деша отта лаьрхӀа ва из.
«Олимпиадашка хьалха а хиннав со дакъа лоацаш, бакъда тайп-тайпарча оагӀонашца дувзаденнача хаттарашта жоп дала дезаш хӀанз мара нийсденнадац, - дийцар Ӏоахарганаькъан Муслима. – Ший кхетама хьал тахкара тӀехьа дика аьттув ба из, цхьацца говзанчаш бовза йиш я, тӀехьагӀа наькъадаргдараш шаьрде. Айса лаьрхӀачунга кхача гӀерташ къахьега кийча ва со».
Ерригача Россе олимпиада хӀара шера шин оагӀонца дӀакхухьаш я: хьалхаръяр - физиках, математиках, информатиках; шоллагӀъяр тока оагӀонцарча балхашца хила безача кхетамца ювзаенна я. Ишттача наькъаца тока оагӀон моттигашка эша лакха говзал йола болхлой кийчбеш болх дӀабахьа йиш я, хӀаьта дакъа лоацарашта довзаргда токаца дувзаденна дола керттердараш. «Россети» оагӀоно дакъа лоацаш дӀахьоча корпоротивни проектни сменашка дакъа лаца аьттув ба котбаьннарий, белгалбаьннарий вузе деша отташ баллаш тӀакхетаргда.
