ГӏалгӀай мехка дӀайолайир «Турпалхочун никъ» яха программа
«Мужече» яхача спортивни дешара центре лаьрххӀа йола кхетаче хилар «Турпалхочун Никъ» яха моттигера дешара программа дӀахьош, цига хилар ГӏалгӀайчен Кулгалхо Келаматанаькъан Махьмуд-Ӏаьла.
Республикан Кулгалхочо белгалдир, из хьал мехка лоархӀаме хилар.
«Вай тӀаэц, из программа республике кхоачашъеш хилар, боккха бехктокхам а тешам а хиларах тарра мехка а, иштта цу халонех чакхбоалаш хьа баьхкача бӀухошта а хьалхашка», - аьлар Мехкадас.
«Турпалхочун никъ» яха программа хиларо таро лу турпалал, денал гойташ, йоккхийча халонех чакхбаьннача бӀухошта маьршача вахаре кулгал деш хила. Мехкадас белагалдир, из хиларо кердадараш Ӏомадара йола таронаш царна яларал совгӀа, шоай тӀема говзал лелае а, цу даькъ тӀара кердадараш дегӀадоаладе а, бехктокхаме хаттараш кхоачашде а таро лу.
Юххера а, ший къамаьл чакхдоалаш, Келаматанаькъан Махьмуд-Ӏаьлас ше тешаш ва аьлар цу программо профессиональни хьал Ӏомадарал совгӀа, маьршача вахарера никъ хьаэца а таро лургья, тӀема толамашкара уж кхоачаргба вахара хьалхален хьалашка.
