4 подстанци дӀайоаю гӀирсаш оттадергда вай мехкарча энергетикаша
21.03.2025 10:52
«Къилбаседа Кавказа россеташ» - «Ингушэнерго» яхача филиала болхлоша вай мехкарча подстанцешка керда бархӀ даьттацара гӀирсаш оттадергда. Керда гӀирсаш дехача тоаде атта да, болх беча хана тата деш дац, дукха хӀама ца довш тоаде а йиш я.
Иштта цӀи ца ялара а дика да, экологена зе деш дола даьтта а аратувсац цар. Керда гӀирсаш 4 подстанце оттадергда: «Котанаькъан», «СурхотӀе», «Илдарха-ГӀала», «МагӀалбик-1».
Цу проекто тока хьал тоадергда 51, 7 эзар совгӀа бахархошта, 10 могттиге болх беча 62 къахьегама тоабан. Цу юкъе я Чамалха, Берда-Юрт, Аршты, Вежарий-Юрт.
Укх шера тока моттигаш тоаеш балхаш дӀахьоча, 31,9 млн сом ахча да хьакъоастадаьр.
