ГӀишлон балхех йиса нувхаш дӀаяха арабаьннаб республике
Кхаьч-кхаьчача Ӏоувттаяь гӀишлон балхаш дечара совъяьнна нувхаш дӀаяха арабаьлар МагӀалбике. «ТӀаргам» яхача грантех латтача ерригача Россе яхьашка котало яьккхача «Турпалхой сомий бешамаш» яхача ЦӀечой Исроапила проектага гӀолла дӀахьош болх ба из. «Сердалога» из хоам бир цу гӀулакха хьалхалаттараша.
«Вай мехкара къона вахархо чӀоагӀа чам болаш ва, бӀехъяь латта моттигаш цӀенъеш, баьццаръерзаеш болх дӀабахьа. Даьла духьа гӀо деш лела кагирхой тӀахьех цо из гӀулакх хьаллаца.
ГӀо деш лелараша 12 бетта дӀахьоргда Юкъерча Ачалкхе, Аьккхий-Юрта 10 совгӀа къахьегама шоатта. Цул тӀехьагӀа, нувхех цӀенъяьча моттигашка 200 сомий га дӀайогӀаргья», - йоах тхога кхаьчача хоамо.
ТӀема операцен юкъе вахар хаьдача вай бӀухой цӀераш язъяь улгаш доахкаргда хӀара сомий беша дӀачувоаллача.
