Глэмпинга (Ӏаламе салаӀара) деш да уж. Чаьтарий хьисапе а хила йиш я уж, бакъда цар чу хул мел эша хьалаш: араваха, лувча, дӀайха-шийла хий доагӀа моттигаш. Цар чу бӀарччача шера Ӏе йиш я.

Мехка Кулгалхочун зарбан болх лелабераша яхачох, карарча хана дехараш хьачуийдеш да, субсидии эцара йолча яхье дакъа лоацаш хила ловча нахагара. Цу даькъ тӀа новкъостал дара эггара дукхагӀа луш дола ахча 1,5 млн сом да, модульни отела цхьан номера лаьрхӀа, иштта, инвестице проекта маьхагара 50%.

Инвестораша, туристически моттигашка зӀамига отелаш хьалъеш хиларал совгӀа, цига эшача коммунальни хьалашца Ӏалашо а ергья, гонахьара доазув а тоадергда.

«Вай дукхагӀа дегӀайоале еза номераш, дукхагӀча туристий вайцига хьабахка йиш хургйолаш. Цхьан-шин дийнахьа баьхка а ца Ӏеш, дукхагӀа ха яккха уж ухаргболаш, царна хьалаш хилийта деза», - аьлар ГӀалгӀайчен Кулгалхочо Келаматанаькъан Махьмуд-Ӏаьлас.