Ӏалам лорадеча кхаь бетта, нувхаш кхувса 50% моттигаш дӀайоахаргья
ГӀалгӀайчен Ӏалама Министерствоc Ӏалам лораду кхо бутт дӀабахьа лаьрхӀад, 2024 шера аьтинга бетта 1-ча денгара тов бетта 1-ча денга кхаччалца. Цун маӀан да, 50% кӀезигагӀа йоацаш, нувхаш кхувса моттигаш дӀаяхар, яхаш, дийцар «Сердало» газетага мехка Ӏалам лорадераша.
«Бокъонах ца йоагӀача моттиге кхалажаш хьаярца къовсам лоаттабар керттера декхар да республикан Ӏалама Министерствон, цар ца хадаш дӀахьу уж гучаяхара дола балхаш. 2023 шу дӀадоладелча денз, 111 цу тайпара моттиг гучаяьннай, уж Ӏалама Ӏаткъаш я. Царех 11 кхалаж дӀаяьккхай, цу даькъ тӀа из болх хӀанз дӀахьош ба», - йоах хоамо.
Министерстве белагалдир, администрацей кулгалхоша, хьалхашка латта декхараш кхоачашдеш ца хуле, уж бехктокхаме озаргболга.
Ӏалам лорадераша из болх дикагӀа дӀагӀоргболаш, Ӏалама «Антирейтинг» хоамашта юкъеяьккхай, цига из хьал довзаш хул.
Ӏалам лорадара кхаь бетта хьокхамаш Ӏаткъаш хургда, администраце сий-лерхӀам лакхдалара. Иштта республикан бахархой тӀахьийхаб; эздий нах хилара, кхаьч-кхаьчача нувхаш Ӏо ца кхувсара, вай мехкара Ӏалам лорадарцара сакхетам совбаккхара.
