Гуржий мехкацара бувзам чӀоагӀбе лерхӀ
Къаман политикахи чухьарча бувзамехи йолча министерствон хьалха латтача Мизенаькъан Руслана кхетаче дӀайихьар тахан, «Россера федеральни Гуржий къаман - культуран автономи» яхача ерригача Россе юкъарлен оагӀон президент волча Цецхладзе Давидаца. Из хоам «Сердалога» бир цу моттигера.
ВӀашагӀкхетаре шинна хьакима дийцар, мехкашта юкъера культуран оагӀонцара, кагирхой политикацара бувзам чӀоагӀбарах. Тхьовра денз вӀаший барт, доттагӀал леладеш хьаденача шин къаман юкъе цу оагӀонца дувзаденнараш чоагӀдарах, цхьана тайп-тайпара кхетаченаш дӀакхахьарах дийцар Мизенаькъан Руслана, Цецхладзе Давида.
Вайна ховш да, гуржий, гӀалгӀай бӀаьшерий ханашка денз, вӀаший оагӀув хьаллоацаш бола лоалахой болаш, бувзам лелабеш хьабаьхкалга, таханарча денга кхоачаш хьабенаб из беркате никъ.
