Мехкара хьунаш цӀерах лораеш, болх бу
Видеогойтамашка гӀолла хьагойташ, Ӏалама моттигаш лораяра тӀехьа боккха болх лоаттабу мехкарча экологаша. Бахархошта хьалхадоах; хьунаш, хиш, аренаш лораяр мел лоархӀаме декхар да.
«ЦӀена фо, дега паргӀато, хозал луш йола моттиг я хьу. ЦӀераш ювлара 90% бахьанаш адам сагота цахиларца дувзаденна да тахан.
ЛерттӀа дӀа ца йоаеш йитача цӀера цхьа сийг тоъаш хул эзараш йолча гаьнех йокъ хьае. Иштта дола хӀама оашош зийча, Ӏалаьмате чехка телефон дӀатоха Ӏалама гӀулакхех йолча Министерстве - 8 (8734) 72-11-50, е хьунаш лораярах болча оагӀон болхлошка- 8 800 100-94-00, иштта 112», - йоах министерстверча хоамо.
Экологе хьал лорадарах йолча къаман проектага гӀолла, хьунаш цӀера кӀалхарйоахаш лаьрххӀа моттиги гӀирсаши да. ХӀара сага кхетаде деза, гонахьара беркате Ӏалам Дала вайна денна доккха совгӀат долга, цунга хьежжа цун хӀама лораде, лархӀа декхарийла да вай!
