ОВЗ лазар долча берашта массайолча оагӀорахьара новкъостал дарах
Республикан ОВЗ лазар долча берий могашал тоаяра центре лоархӀаме кхетаче хилар унахцӀенон хаттарех, вахара политиках, ветераний, СВО доакъашхой гӀулакха йолча комитета кулгалхочун гӀончан Олиганаькъан Бадрудина, урхаллен кулгалхочунца Дударанаькъан Ӏаьлаца.
Къамаьл деш, оагӀонаша терко тӀаяхийтар, берашта масса йолча оагӀорахьара гӀо лоаттадара, цу юкъе могашал меттаоттаяра дола лорий новкъостал а долаш. Олиганаькъан Бадрудина белгалдир, лорий новкъостал лоаттадарал совгӀа, дика хьалаш хьакхоллар а лоархӀаме долга, могашал эшаенна бераш массайолча оагӀорахьа дика дегӀадоагӀаргдолаш.
«Вай мехка могаш доаца бераш хьаллацара хаттараш тайп-тайпарча паччахьалкхен программашка гӀолла кхоачашду, иштта цох дола закон а леладу», - аьлар къамаьл деш Бадрудина.
