Кавказа тохкамхочоа Горепекина «Наха сийдер» яха орден яларах
Россе Ӏилманхо, этнограф, кавказовед Горепекин Фома ваь ди хьатӀадоагӀаш хиларца дувзаденна, цо даьча балхашта хетаяь кхетаче дӀайихьар паччахьалкхен гӀишлошъяра балхех, бокъонех йолча Халкъа Гуллама комитета хьалха латтача Йовлой Мухажара.
Кхетаче дакъа лаца бийхабар тайп-тайпарча моттигашкара болхлой, историк, краевед вола Газиканаькъан Берснакъ, Ӏилма-тохкама института болхло йола Таренаькъан Лилия, иштта кхыбараш а. Меттаца дувзаденнараш, ди, фольклор, культура, археологи, гӀалгӀай къаман истори чулоацаш бола 37 болх кхеллача Горепекина вахара наькъах, цо мел даьр боккха лоархӀам болаш хиларах дийцар гулбеннараша.
ГӀалгӀаша хьалха дӀаяхача хана леладаьча пхьоалла, метта хетадаь цо даь балхаш къаьстта боккха пайда беш да, аьнна, теркалдир кхетаче. Иштта цига теркаме лаьцар, 1918-ча шерарча Къилбаседа Кавказерча лоамарой депутатий Съезде Горепекина «Наха сийдер» яха лоархӀаме цӀи енна хиннилга.
Из цӀи дийнъяр, Ӏилманхочоа из ялар геттара дика хургда, аьнна, лаьрхӀар кхетаче. Ца говш ховш хургда, хьатӀабоагӀача бетта 7-ча дийнахьа ваьча Горепекин Фомайна из орден малагӀча дийнахьа лургья.
