«Галашкеи ТӀой-Юртеи бахача наха шоай цӀенош, бешамаш Эсан, ГӀалме Ӏаьржача хих кӀалхаръяхар дехаш даьча кхайкаралах; ГӀалгӀайчен Ӏалама Министерствос цига тохкама болх бир. Цу юкъе бар Каспийски бассейна хин урхаллен, Селий мехка хин урхаллен, ГӀалгӀай Республике гӀолла йолча Россе МЧС ГУ урхаллен, мехка ОМС викалаш», - дувц хоамо.

Цу юрташкара хиш техкачул тӀехьагӀа, цар гучаяьхар хьалхарча аргӀагӀа болх бе беза моттигаш. Уж да берда йистера хий дӀаходаккхара, берда йистош цӀенъяра балхаш.

Иштта комиссе мах оттабир БурокӀалени Пхьилекъонгий-Юртаи юкъерча Шолжа хин хьала. Укхаза хин никъ цӀенбара гонахьара кӀотаргаш-гаьнаш, хьаӀайна баьцаш дӀаяха еза.

Цу пайданеча кхетачен чаккхе хургья, РФ Росводресурсы яхача моттиге дӀайохьийташ йола акт, цу тӀа белгалдергда де лерхӀаш дар, цига гӀолла из болх дӀабахьа ахча а хьадайтаргда.